"Uda leku" antzerkia Izturitzen

Duela 15 urte sortu zela Arberoako ikastola, garaian, 5 ikaslerekin. Urteak pasa eta handituz joan da. Gaur egun, ikastolak 55 ikasle ditu eta urtean zehar hainbat ekitaldi antolatuak dira horien burasoetaz.

Ikastolaren 15. urtebetetzea, aurten 2024ean ospatzen da eta horren kari, urtean zehar, hainbat animazio eta ekitaldi antolatuak izan eta izanen dira (adb. urtarrilean Hazparnen izan zen kontzertua, Izaro kantaria eta Xutik taldearekin, urriaren 11an pilota partida bat...). 
Horietan sartzen da, apirilaren 27an, larunbatarekin antolatzen duten antzerki gaualdia. Hitzordua Izturitzeko Artetxea-n luzatzen dute "Uda Leku" ikuskizunarentzat. Hori, Pantzo Hirigaray-k sortu ikusgarria da, non Munhoa eta Garaziko ikastoletako haur eta burasoek parte hartzen duten. Arratseko 8:30-etan hasiko da obraren azken emanaldi hori. 
Arratseko 7etatik goiti hurbiltzen ahal zarete, Arberoako ikastolako burasoek talo eta ostatua proposatuko dutelako.