Larresoroko musika bandaren ipuin musikala - Otxalde Luna Negran
Asteburu musikala prestatzen da ! Ostiralean, Otxalde Baionako Luna Negran ariko da, eta larunbatean Larrsoro bateria fanfareak "Desberdinak bainan familia berekoak" ipuin musikala herrian aurkeztuko du
Larresoro bateria fanfarreak 25 bat musikari biltzen du.
Denak amaturrak dira, eta tresna naturalak desberdinak jotzen dituzte : perkusio, kleron, tronpetak.
Alain Oxarango fanfarrearen presidenta da, eta David Mouesca, talde zuzendaria.
Desberdina bainan familia berekoak
Larresoro bateria fanfarreak joan den urtean proiektu berezia, euskaraz sortu zuen.
Aurten erabaki dute ipuin musikala sortzea, eta desberdintasunaren gaia hautatu dute : jatorria, itxura, kulturak ez baitira mugak, aberastasuna baizik.
Elkarlanean izan dira Hubert Charbonnier konposatzailearekin, Larresoroko eskola publiko eta eskola pribatuarekin, eta Philippe Albor-ekin.
Hubert Charbonnier musikak sortu ditu, Philippe Alborek testu batzu sortu ditu, eta 80 ikasleen errepikak segurtatu ditu.
Haurrek 7 kantu emanen dituzte, bat edo bi euskaraz, eta kantuen artean, ipuinak eta historiak kondatuko dituzte.
Apirilaren 6an, larunbatez, bi emanaldi dohainik eskainiko dituzte, Larresoroko herriko gelan, 17,30etan eta 20etan.
Sartzea dohainik izanik ere, lekua erreserbatu behar da, afitxan den QR kodigoa baliatuz.
Otxalde Luna Negran, Baionan
Asteburuko beste hitzordua Baionan izanen da, Luna Negran : Otxalde taldeak "Iturrien Lilura" disko berria presentatuko du, Apirilaren 5ean, ostiral gaueko 8,30etan.
Otxalde 1976an sortu zen, Aiherra eta Beskoitze artean.
Lagun taldeak urtez urte kantuak sortu eta zabaldu ditu - Pottoka Mendian, famatuenetarik bat da !
Azken urte hauetan, gazte musikari batzu taldean sartu dira, ahots berriak eta beste tresnak gehituz.
"Iturrien Lilura" diskoa joan den Abendan atera du, betiko folk doinuetan eta munduko musiken erritmoetan : 11 kantu, gehienak euskaraz, bat biarnesez, bat gazteleraz?
Otxalde taldeak disko berria eta lehengo kantu batzu zuzenean presentatuko ditu, Apirilaren 5ean, Luna Negran.
Erreserbatzeko, IKUS HEMEN