Donapaleuko Ospitalak 10 urte : osasun eskaintza barnekaldean

Donapaleuko Ospitalak hartu du Sokorri klinikaren segida.
Euskal Kostaldeko Ospital Zentroko adar bat da.
Gaur egun, 234 langile profesionalak badira, horien artean 111 mediku, batzu Baionatik etortzen direnak, eta 32 Donapaleun denbora osoz ari direnak.
Ospitala 13 zerbitzutan antolatua da, eta 20 disziplina proposatzen ditu.

Urgentziak, medikuntza, kirurgia, ama eta haurraren etxea, irudi eta radio zentroa eta farmazia bertan daude.
Hemendik goiti, "dialisia" zerbitzua ere idekia sortuko dute,  bertako jendeak ez du gehiago Baionarat joan beharko, horren egiteko.

Artamenduen kalitatea eta hurbiltasuna uztartu

Medikuntza basamortuak aipatzen diren mementuan, Amikuzen alderantzizkoa gertatzen da : Donapaleuko Ospitalea handituz doa, eta pazienteek eskaintza gero eta zabalagoa dute.
Ainitz langile euskaldunak baitira, horrek jendea lasaitzen du, konfiantza gehiago emanez.

Donapaleuko Ospitalean, 2022an :

• 10 686 pertsona Larrialdietatik pasatu dira
• 362 sortze izan da, Amategian
• 19 638 sartze / ospitaleratze izan dira
• 9175 pertsonek scanner bat pasatu dute
• eta 2022ko Ekainan ideki duten IRM zerbitzutik, 2930 jende

Garapenak segituko du

Donapaleuko Ospitalak Dialisia zerbitzua eraiki eta idekiko du, eta aparkalekua ber antolatua izanen da, jende gehiago errezebitzeko gisan.

Ondoko urteetan, nahi lukete SMUR zerbitzu bat sortu (Erreanimazio eta Urgentziako zerbitzu ibiltaria), etxean istripu, bihotzeko edo AVC bezalako arazoak dituzten jendeak ahal bezain fite sokorritzeko.

Donapaleuko Ospitalaren ondoan, Amikuze eta Oztibarreko Osasunaren Etxea Abenduaren hastapenean ideki dute : egitura horrek mediku, ortofonista, kine, eta beste saileko profesionalak biltzen ditu.