Aguxtin Alkhat eta Kamila Zubeldiarekin, kantu afari alaitua Heletan, Martxoaren 2an
Azken bi urteetan pausan egon eta, Aguxtin Alkhat-ek kantu afaria animatuko du, Heletako Ezkaratza ostatuan, Martxoaren 2an, Kamila Zubeldiarekin batera : gaualdia Baigura ikastolaren alde antolatua da
Aguxtin Alkhat Armendaritzen sortu zen, musika eta bertsolaritzaren giroan : Ernest Alkhat, bertsolari famatua zen, bainan Aguxtinek musika eta gitarra hautatu zituen.
16 urtetan, lehen kantuak konposatzen hasi zen, folk, rock folk, pop folk moduan, eta hiru disko atera ditu, "Ihes egin" (2013, "Haizeen Meneko" (2015) eta "Hutsaren Hatsa" (2020).
Kontzertu aintz eman eta, pausan sartu zen 2022an, eta orain, berriz kantuz ariko da, gaualdi berezi batetan, Heletan
Kamila Zubeldia, musikari konplizea
Aguxtin Alkhat eta Kamila Zubeldia (Unama, Saioa...) aspaldiko lagunak dira, bizian, eta musikan.
Baigura ikastolak galdeginik, biek onartu dute kantu afaria animatzea, eta hortarako 80 kantu herrikoi landu dituzte, publikoarekin kantatzeko.
Hitzordua Heletako Ezkaratza ostatuan, Martxoaren 2an, 19etatik goiti (xehetasunak : 06 71 03 79 17)
Épisodes
Tous les épisodes
Antzerkiaren Maiatza Hendaian, Maiatzaren 22tik 26rat
