Masai: A coppia infernale

A mio moglia mi dice sempre : perchè ch’ùn parli mai di mè in Masai ? È và bè. Allora oghje vi ne feraghju u ritrattu.

Sappiate prima chì a mo moglia hè tamanta, alta alta. Face paura.

Ghjè un arcefala d’un metru è ottantacinque. Invece chì eo, ohimè, sò mischinellu, chjucu chjucu…

È mi tene caru, à l’usu salvaticu.

Mi teni caru, ma un tantu chì basti

Mi techji di stiks à tutti i ripasti Ma fami u piacè perch’eo sia serenu Ùn mi poi tene caru una cria di menu ?

Mi teni caru sì è ùn mi lamentu

Mi pargu da u fretu l’acqua è u ventu Quandu aspettu ore sane à cantu à a vittura

Dopu mi letichi s’eo chjappu una puntura

Tirà i curtelli quessa ti passiona  « Tranquillu » mi dici « sò una campiona » Eo ridu giallu arimbat’à u muru Sì quatrochja è sò leccu di sicuru

Allora aghju paura pianu pianu mollu

Tandu m’inguanti è mi torci u collu

U stringjhji u stringhji cù l’ochji sburlati Eo sò in estasi pantaloni falati   À le volti mi colli in cim’à San Pentone Dopu mi punti è ne sò a cagione  Caschendu in vitezza è à chjavette rotte Ti piace a mio faccia di Will u Coiote . A sò chì mi teni ùn poi fà senza È sì

Quand’ella ti piglia và bè pazienza M’appiccichi à u muru d’una brama ardente Mi sfondi a casa mi tratti d’incustente Mi si chjicchi cum’un mastinu nerbosu Mi brusgi u garasgiu a grate in Petrosu Mi compri custumi sempre stretti stretti

Ghjuchendu cù l’accietta à mumenti m’affetti  Mi farzisci a schaccia inc’un manicu di piccu Per ch’ellu mi passe un gattivu ticcu  A so’

Ghjè perchè mi teni mi teni ancu troppu Sò felice ma ti dumandu purtroppu Per ch’eo ùn finisca struppiatu è maboul Ùn mi poi tene in un modu più cool ?