Guggenheim museoak, Bilbori oldar berria eman dion erakustokiak, hogoita bortz urte betetzen ditu
Guggenheim museoak erakusketa berri batekin ospatuko du mende laurdena. 1997ko urriaren 18tik, kasik 24 miliun bisitari hartu ditu eta ondorioak 500 milioi eurokoak dira Bizkaiko hiriburuan. Museoak oldar berria eman dio Bilbori, baita ere Ipar Euskal Herriko turismoari.
Guggenheim museoak 25 urte betetzen ditu. Garaian, proiektu ausarta izan zen, urte luzeetako gogoetak, lau urteko lanak eta 130 miliun euroren inbertsioarekin. Arte garaikidea aterpetzen duen eraikin modernoak oldar berria eman dio Bilbori. Gainbeheran zegoen industria hiri ohiak mundu osoko milaka bisitari hartzen ditu orain urte osoan.
Guggenheim museoaren ondorioak 500 miliun eurokoak dira Bilbon. Ipar Euskal Herriarentzat ere baikorra da. Bertako turismo saileko profesionalen arabera "gauza ona da nazioartean ospe hain haundia duen erakustokia hain hurbil izatea. Hurbiltasun horrek indarra bertzerik ezin du eman".
Pirinio Atlantikoetako departamenduko Garapen eta Erakargarritasunaren agentziako arduradunek onura horiek aski ongi neurtzen dituzte lurraldea ezagutarazten dutelarik mundu osoan barna. Lapurdiko kostalderat etortzen den bisitari frango Bilborat joan ohi da egun pasa, eta harat doazen autobusak bete-beteak dira maiz. Miarritze inguruko hamar enpresak urtean hogoi bat bidai egiten dituzte Bilboraino, Guggenheim bakar bakarrik ikusi nahi duten bisitari dirudunak eremateko. Batzuetan beren hegazkin pribatuekin datoz Miarritzeko aireporturat.
Heldu den udan, Guggenheim museoak Euskal Herri osoan lotuko du berriz uztailaren lehenean bertatik aterako baita Frantziako itzuliaren ehungarren edizioa.
Labur labur: Hogoita bortzgarren urtemugaren karietarat apailatu duten erakusketa berria urriaren hemeretzitik 2023ko urtarrilaren hogoit bia arte bisitatzen ahal da.
Bisitak Asteartetik iganderat, goizeko hamarretatik arratsaldeko zazpiak arte.
Ma France : Améliorer le logement des Français
Quelles sont vos solutions pour aider les Français à bien se loger ? En partenariat avec Make.org, France Bleu mène une consultation citoyenne à laquelle vous pouvez participer ci-dessous.
Pyrénées-Atlantiques : l'info en continu
Pyrénées-Atlantiques : les plus consultés
Une "visite fraternelle" au diocèse de Bayonne sur fond de soupçons de dérives sectaires
France Bleu Pays BasqueLes confitures et confiseries Francis Miot à Uzos sont en difficultés financières
France Bleu Béarn BigorreAviron Bayonnais : Mateo Carreras titulaire à Oyonnax, cinq changements dans l'équipe de départ
France Bleu Pays Basque