L'horoscope en Ch'ti de José Ambre

Ti BELIER, te vas d’ succès in succès et t’ in saute à l’ clinche ed’ contint’mint… continues comme cha , y-a qu’ du bon à n’ in r’tirer…  

  TAUREAU, te vas artreuver un bon viux comarat’ equ’ t’ avos pardu d’ vue d’puis des années…,et   ch’ est d’ z’ artrouvailles qui vont marquer, je l’ sint… !  

 GEMEAUX, té vas profiter que ch’ solel i c’mminche à s’ moutrer  pour éclairer des nouvelles amours, ti, et à m’ n’avis que n’ vas point n’ in rester d’ là, y-a du saute à l’ clinche dins l’ air… !  

  Ch’ est bien CANCER, t’ es in route à  rattraper tin r’tards et te prinds même ed’ l’avanche dins tin traval… ch’ est toudis bon à prinde, non… ?    

LION, te vas infin réussir à écarter toutes les imbroulles qui t’ impêchot’tent d’ arriver à tes fins, et, ( mi cha m’ arringe !)     

Côté amour, VIERCHE, te vas  péter l’ fu à n’in faire monter tin partenaire au 14ème ciel… Parfait’mint min loute…deux fois sept…      

Par conte, ti, BALANCHE , faudra avincher aveuc gramint d’ précautions, vu que ch’ terrain i risque fort d’ ête miné… Prudince… !   

 SCORPION, t’ forme olympique alle va t’ faire réaliser des essploits… ménages-te quand même un monet… des fos, trop ch’ est trop… !    

 Ti, SAGITTAIRE, te vas avincher d’un grand pas dins t’ n’ avinch’mint professionnel… T’es dév’nu   l’ champion du télé traval et te n’ es récompinsé… !    

CAPRICORNE, ed’pus qu’ té surf’ sur internet, te fais des rincontes estraordinaire qui vont t’ faire ouvrir eune banse ed’ portes (virtuelles, bien sur… !) mais qui vont élargir et’ n’ horizon… !

Ress’ prudint VERSEAU… En’ jues point aveuc tes sous ou te risques fort ed’ tout perde… 

Et infin, PICHON, en’ commets point d’ impairs…teurnes et’ langue 7 fos dins t’ bouque avant d’ parler… et même après cha, …tait’te …cha t’évit’ras les imbroulles… 

Allez, à d’main mes gins, restez prudints vous vous porterez bien…