Les informations en langue bretonne, Joan Bizien

Goude ar c'heleier-mañ : an diviz war France Bleu Breizh Izel

War ar fed ne vo ket savet un aerborzh Kernitron al Lann, war aferioù politikourien ar vro Richard Ferrand ha Jean-Jacques Urvoas pe c'hoazh war tout ar reuz zo gant Lactalis 'vo lakaet ar goaz. Ar gazetennerien Maiwenn Raynaudon-Kerzerho hag Erwan Chartier 'vo ganeomp hag ivez al labourez-douar Irène Lahuec. 

Dedennet oc'h gant micherioù dorn ?

Titouroù 'vo roet deoc'h gant kompagnuned an dever. Warc'hoazh, disadorn ha disul 'vo dalc'het dorioù-digor un tamm e pep lec'h b'ar vro. E Brest da skouer e lec'h emañ Malo o teskiñ bezañ kalvez. 

Krouet eo bet ur post renerezh gant Div yezh Breizh

Kejañ a reomp er c'heleier-mañ gant Vonig Fraval. Goude bezañ bet e-penn Sonerien 'vo bremañ e-penn kevredigezh kerent ar skolioù divyezhek publik.