Un deiz, un den bac'het abalamour d'ar c'hleñved red Covid-19
E-unan er gêr, bevañ a ra Pol Ivoñ Virot ar pennad bac'hañ abalamour d'ar c'hleñved red Covid-19 e Kemper.
Bevañ a ra Pol Ivoñ e-unan, en e di e Kemper, e karter ar Meilhoù glas. War e retred emañ abaoe daou vloaz 'zo an hini bet teknisian war ar son e France Bleu Breizh Izel.
Anzav a ra Pol Ivoñ e krog da gaout hir an amzer un tamm. Hardi n'oa kemeret perzh e-barzh prantad kabaliñ votadeg ti kêr Kemper just a-raok. E-pad sizhunvezhioù oa bet lusket e vuhez gant bodadegoù stank ha pennadoù ingalañ traktoù e-mesk maread tud. Hag a-daol-trumm pep hini en e glud. Ur pezh mell kemm. Darempred n'eus ingal memestra gant e familh, e Bro Oelo hag e Paris. Ha dre ar rouedadoù sokial gant tud all. Kustum eo foetañ bro betek Azia ar reter pellañ, keloù n'eus deus doreoù ar "Covid-19" gant mignoned a Gambodjia.
Un tamm sport a ra c'hoazh, zoken ma n'eus ranket ehanañ gant ar gwaregañ. Gant-se evitañ an digarez nemetañ gwelet tud eo mont da brenañ defotachoù. A-hend-all eo doujus-kenañ ouzh ar c'hemenadennoù surentez. Rak soñjal a ra da Bol Ivoñ n'eo ket brav c'hoari gant seurt kleñved.
Ma France : Améliorer le logement des Français
Quelles sont vos solutions pour aider les Français à bien se loger ? En partenariat avec Make.org, France Bleu mène une consultation citoyenne à laquelle vous pouvez participer ci-dessous.