Masai: Diodoru di Sicilia è a morte

Quant’hè ch’ellu ùn venia più in Corsica Diodoru di Sicilia. Diodoru di Sicilia, issu filosofu ch’hè scalatu in Corsica cù i Grechi è ch’hà scrittu cose asssai pusitive nant’à noi. Di recula, a sapete, e ci facenu tutti falà i furesteri. Ellu è Voltaire nò. Allora, tenimulu à Diodoru.

Ci vole à dì ch’ellu avia u so da fà à scunfini i soi i capatoghji, in i so lochi. In Corsica si vilia svarià una cria è fidighjà i nostru affari cum’elli vanu.  Ghjè un tippettu pienu du cuntradizioni, Diodoru di Sicilia: Grecu, ma Sicilianu, filosufu, ma d’un caratteracciu azezu, viaghjadore, ma chì posa è pensa, asceticu, ma amatore di lasagne. Certe volti u so psy si scradicava i capelli.

A prima cosa ch’ellu hà fattu, a mane dopu a so ghjunta, hè d’ascultà à RCFM  intesu u vechjettu ch’hà chjamatu à Isabelle Don Ignazi pe i so meli, ch’ùn danu più. Ch averanu ? facia.  Prima carcavanu, abbastava a coglie. Avà sò malati, ingrunchjati, mele ùn anu più. Isabelle l’hà dumandatu: quandu l’avetee piantati issi meli? Ind’è cinquant’anni fà, risponde u vechjettu. Diodoru, stendu à sente, pensava à a sola risposta pussibbile: “i meli sò cum’è tè o amicu, nascenu, campanu è si morenu”. Ghjè a lege di a vita, vale per l’omi quent’è pè i meli.

Diodoru hè tremendu riesce à ficassi in ogni locu per osservà a vita. Hè cascatu à l’ospidale di Sartè dive u vechjettu di i meli hè finitu. L’anu operatu. Dopo l`operazione discitendusi da l’anestesia, apre l’ochji è dumanda: - O sgiò duttore cum’è andata l’operazione? - Hè andata male. Sò San Petru, micca u duttore.