L'horoscope en Ch'ti du lundi 21 juin

BELIER, faudrot qu’ t’ arrêtes de d’minder l’ impossipe à tes gins, ti, …Vas z’y duchmint, t’as cor eune longue route  à faire avec euss’… ! 

Ti, TAUREAU,  ête héreux cha t’ va si bien qu’ in n’peut point t’imaginer autremint… pourvu qu’ cha dure… !

GEMEAUX, te vas rincontrer des gins fort importants qui pourrot’tent bin améliorer t’n’ordinaire… Alorss fait un effort pour et’ rinde présintape, ch’ est gramint miux d’ ête tout prope equ’ mal lavé… !   

CANCER, t’ es plongé dins tes pinsées et t’ es tout songeur, ti z’aute …Mais bon, en’ t’ indors point su’ ch’ rôti non pus, si qu’té veux minger, i faut aller œuvrer… !

LION, equ’ cha seuche in début ou in fin d’ sémaine, t’ est toudis prêt à t’ amuser, mais après toute, in a que l’bon temps qu’in s’ donne, et cha s’rot biête ed’ point n’in profiter …!   

VIERCHE, t’ es incapape de t’ décider, ti… Cha fait qu’ t’as toudis l’ cul intar-deux cayelles, et te n’ sais jomais du côté qu’ té vas querre… !

Alorss ti, BALANCHE, t’ es tout simplemint imprévisipe, et te n’ arrêtes point ed’ surprinde tes gins… Mais bon,  comm’ cha va toudis dins l’ bon sins, in t’a tous querre comme cha…!   

Aujord’hui, SCORPION, ch’ est tin côté râleur qui arfait surface, et cha n’est point tin plus biau côté… Arteurnes-te et fais bonne figure, t’es gramint pus agréape comm’ cha …!

Et ti, SAGITAIRE,  tin week-en i t’a fait l’ pus grand bien et ch’est arparti rantanplan pour tout l’sémaine… Roule ma poule… !     

Arrêtes ed’ faire miroiter monts et merveilles à tes gins CAPRICORNE…Surtoute equ’ te n’ tiens jomais parole… cha va finir par et’ porter ombrache …!     

Même dans les cas les plus grafes, VERSEAU, te prinds tout du bon côté, et ch’est un rude atout equ’ t’as dins tin ju… in peut compter sur ti pour armonter l’ moral des troupes…!     

Et infin ti, PICHON, te fais un potin du diape et tes voèsins i z’ ont les nerfs à vif… Ch’est vrai   qu’ passer ch’ l’aspirateur à tros heures du matin aveuc el’ télé à fond, , cha n’est point vraimint   l’ moyen de s’faire des comarats, mais bon…ch’est ti qui voé.