L'horoch'ti du mardi 23 mars
Continuez à bien vous porter !
Alorss ti, BELIER, t’ es prêt à toute pour qu’ in t’ ravise… Mais bon, n’in fait point d’ trop quand même, in pourrot s’ moquer d’ ti… !
TAUREAU, t’ as tapé dins l’ eul’ ed’ tin patron, ti z’aute…Et si qu’ te sais i faire, y-a d’ z’avintaches à n’ artirer min loute… !
Té devros essayer la lecture, GEMEAUX… A toudis raviser l’ télé comm’ te l’ fais, te vas même pus savoèr écrire tin nom… !
Esselles ed’ maîtriser t’ n’ instinct, CANCER, et cha t’ évit’ra d’ sauter sur tout chou qui armue… !
Accoutes chou qu’i t’ dit tin docteur, LION… si qu’ te tires ed’ trop su’ l’ fichelle alle va finir par et’ rester intre les mains… !
VIERCHE, tes paroles i font souvint vire chou qu’ té pinses… Esselles quand même ed’ t’ arténir , y-a des vérités qui sont point forchémint toudis bonnes à dire… !
Arrêtes d’ ête toudis d’ mauvaise foi, BALANCHE, …T’as tout à y gagner… sinon, te vas drot dins ch’mur et te vas i laicher des pleumes… !
SCORPION, t’ es à fond dins tin traval, ti, …Mais trop ch’est trop… pinses à t’ vie privée ou te vas t’artreuver tout seu’ comm’ un leu… !
Si qu’ t’ es célibataire SAGITTAIRE, te vas t’ ête réviller par eune bonne nouvelle : Y-a quiqu’un qui va infin et’ déclarer s’ flamme… et va falloèr l’ étinde… !
Quand qu’ te sais equ’ te n’sais point grand’coss, CAPRICORNE, t’as d’jà fait un grand pas vers el’ sagesse…Pinses z’y… !
VERSEAU, t’ as invie d’ canger d’ cadre, ti, …Et si te n’a marre de l’ vire, tin cadre, et ben cange aussi l’ photo, l’ pus gros i s’ra fait… !
Et infin, ti, PICHON, in dirot qu’ tin pied i-est un monet trop lourd su’ ch’ l’ accélérateur… Alors méfies-te d’ chés photographes imbusqués, ou tes points d’ permis i vont s’involer comme eune binde d’étourneaux…