L'horoscope en Ch'ti de ce mardi
Laiches-te aller m’ tiote VIERCHE … Prends la vie du bon côté !
Mardi 20 février 2024
Bonjour min tiot, bonjour mes gins,
Et bin BELIER, in dirot qu’ t’es à cran aujord’hui… Allez, m’ tiote crotte, donnes-te les moyens de t’ détinde… C’mmiches par eune tiote jatte ed’ jus aveuc eune tiote bistoulle et cha va arpartir ! Modérémint quand même, hein, ou té vas barliquer… !
Ti, TAUREAU, te vas treuver eune solution à eune question complèt’mint tordue…Et te vas lu z’in mette plein la vue à tertous… !
Et ti, GEMEAUX, te vas négocier au miux eune affaire point piquée des viers, et l’ réussite alle est au bout min tiot…Bravo…!
Attintion de n’ point faire fausse route CANCER … Pass’que cha s’rot un écart qui pourrot bin et’ coûter fort quer, t’ es prév’nu, viens point braire après… !
Et ti, LION, tout i-est fait pour bien démarrer t’ jornée… Jornée qui s’ra d’ ailleurs des plus trépidante, et té vas t’ in souv’nir… !…
Laiches-te aller m’ tiote VIERCHE … Prinds la vie du bon côté… Te verras equ’ te s’ra moins tindu et qu’ cha va rouler comme su’ des roulettes tout l’ jour… !
Aujord’hui, BALANCHE, i n’y-a qu’ du bon à r’frire pour ti… Tout i va s’arringer à mervelle pour ti min loute… !
In n’ est jomais miux servi equ’ par soè-même SCORPION…Mets-te cha bien profond dins t’ tiote tiête et t’ iras long… !
Tros choss’, SAGITTAIRE : réalisations prometteuss’, amours chaleureuss’, et rintées des plus fameuss’…T’ as ch’ tiercé dins l’ orde ma poule… !
Et pour ti, CAPRICORNE, comme t’ as des convictions et qu’ te sais les partager, te vas intrîner tous tes gins par dirrière ti et i z’ in s’ront ravis… !
Attintion à chou t’ avales VERSEAU, cha pourrot bin nuire à t’ santé… Minges naturel et vas courir dins ch’ bos… tin corps i t’ dira merci… !
Et pour finir, lèves el’ pied PICHON, laiches querre chés invitations et ress’ au calme à t’ mason… I s’ra temps d’ arsortir quand qu’ té t’ sintiras miux…
Allez, à d’main mes gins et portez-vous bien…