L'horoscope en Ch'ti de ce jeudi
Acoute mon onque José…
Jeudi 25 janvier 2024
Bonjour min tiot, bonjour mesgins,
Faut qu’ t’ arrif’ à dissiper tous chés malintindus BELIER… Alorss mets tout su’ l’ tape et n’ muches rien, y-a qu’ cha qu’ à faire …!
TAUREAU, y-a eune banse ed’ tiotes tracass’ries qui t’ inpèch’tent d’ avincher ti z’ aute…Un monet d’ patienche min tiot, et tout arvara à la normale… !
Ti, GEMEAUX, te vas passer tout l’ jour intouré d’ gins equ’ t’ as fort querre…Cha va t’ ête el’ paradis, je l’ sint… !
Ch’ l’ augmintation equ’ t’attendos, CANCER, alle va pus tarder… Bon, bin, en dépinses point tout tout d’ sute non pus… !
LION, té vas démarrer t’ jornée comme eune balle boche et l’ finir in fu d’ artifice…In est pourtant que l’ 25 janvier, mais cha va t’ ête quasiemint miux qu’ un 14 juillet ch’ jus là… !
Attintion à ti m’ tiote VIERCHE, t’ as par trop tindince à sous estimer tes concurrints, et cha, cha pourrot bin et’ desservier…N’ obies point equ’ te n’ es point tout seul su’ ch’ gâtieau… !
Pour ti, BALANCHE, y-a des sorties et’ d’ l’amus’mint dins l’ air… Et in plus, y’ a eune fort bielle seurprisse qui t’ attind…Que du bonheur tout l’ jour… !
Ch’ est bien joli ed’ donner des consels à tout l’ monde sur el’ façon de s’ comporter SCORPION, Mais c’mminche ti-même par respecter l’ z’autes, cha s’ra déjà un bon début… !
Et ti, SAGITTAIRE, en’ compte point d’ trop su’ la chance…Va falloèr equ’ te forches ech’ destin et qu’ t’y mett’ du tien si qu’ té veux faire avincher tes affaires min tiot loute… !
In va t’confier eune grande responsabilité CAPRICORNE…Ach’t’ heure, à ti d’ prouver equ’ te mérite eune telle preuf’ ed’ confiance min loute.. !
Ti, VERSEAU, te vas rester tout l’ jour sins bouger un ortieau… Bon, bin, ed’ timps in temps, cha a du bon, mais faut point d’ trop en’ n’ abuser, non pus.. !
Et infin, PICHON, en’ laiches point tes gins trifouiller dins t’ vie professionnelle… Ch’ est l’ seul moyen pour ti point t’ atreuver accouf’té par les imbroulles…Acoute mon onque José…
Allez, à d’main mes gins et portez-vous bien…