Les informations en langue bretonne Katell Uguen
Anv a reomp deus an distro-skol er c'heleier-mañ evel-just. Bet omp e skol Langoned ar mintin-mañ. Dora Vargas, renerez nevez lise Diwan Karaez a zisplego deomp ivez penaos eo bet an eviti. Ha mont a reomp betek enezenn Saint Martin 'lec'h n'eo ket anat kas ar vugale d'ar skol, bloaz goude Irma.
An distro-skol oa mintin-mañ 'giz ma ouezit mat
E skol Jean Moulin Langoned, nebell deus Gourin, eo bet degemeret an 68 bugel gant son ar biniou bras. Tudi Crequer n'eus paket e sac'h-skol en-dro 'vit kontañ deoc'h.
Bloaz 'zo e oa bet distrujet enezenn Saint Martin en Antilhez gant ar gorventenn Irma
Gwastet eo bet kement tra eno hag ar braz deus ar savadurioù a zo bepred en o voull, n'eo kroget al labourioù adsevel ken dibaoe daou pe dri miz. Penaos aozañ an distro-skol e Saint Martin neuze ? Anne Conan, skolaerez eno he deus ranket prientiñ he c'hentelioù e diavaez ar skol. Ankeniet e oa-hi mintin-mañ.
Ur renerez nevez e lise Diwan
Evit ar c'helenn e brezhoneg ivez eo kroget ar skol en-dro. Hag e lise Diwan Karaez 'zo ur renerez nevez. Dora Vargas, kelennerez war ar spagnolek a zo bremañ ouzh stur al lise Diwan nemetañ. He distro-skol a gont deomp.